"Bavariya"ning rasmiy saytida yarim himoyachi Aleksandr Pavlovichning sog‘lig‘i haqida ma’lumot berildi.
"Pavlovich surunkali infeksiyadan aziyat chekmoqda. Shu bois, 20 yoshli yarim himoyachi keyingi xabarga qadar "Bavariya" safida o‘ynay olmaydi," - deyiladi myunxenliklar matbuot xizmati xabarida.
"Bavariya"ning so‘nggi o‘yinlarida Aleksandr Pavlovich qaydnomaga kiritilmadi. Umuman olganda, bu mavsumda xavbek 21 ta o‘yinda maydonga tushib, bitta gol va bitta golli uzatmani o‘z hisobiga yozdirib qo‘ydi.













