"Barselona"ning sobiq futbolchisi va murabbiyi Xavi "Oltin to‘p" haqida fikr bildirdi. "Ko‘k-anorranglilar"ning sobiq sardori ushbu nufuzli mukofot uchun ovoz berishda uchinchi o‘rinni egallagandi.
"Men o‘zimni o‘sha yillarda "Oltin to‘plar"ni yutgan Lionel Messi yoki Krishtianu Ronaldudan yaxshiroq deb hisoblamayman. Men pleymeyker edim, ammo o‘yin natijasini yolg‘iz o‘zim hal qila olmasdim. "Bronza to‘p" sovrini bo‘lmasa-da, uch marta ovoz berishda uchinchi o‘rinni egallaganimdan faxrlanaman. Men bajonidil bu sovrindan bir nechta nusxa olgan bo‘lardim," - dedi Xavi kulib.
