"Manchester Yunayted"da yangi hujumchi qidirish ishlari davom etmoqda. "Kristal Pelas" vakili Jan-Filipp Mateta "qizil iblislar" qiziqishlari doirasiga tushib qoldi. Jurnalist Saymon Mallokning ma’lumotiga ko‘ra, mankunianliklar vakillari fransiyalik futbolchining yozgi transferi ustida ishlashni boshlab yuborgan. Potensial bitim qiymati 40 mln funt sterlingga (deyarli 48 mln yevro) baholanmoqda.
Jan-Filipp Mateta Premyer-liganing joriy mavsumida 27 ta o‘yinda maydonga tushib, o‘z hisobiga 12 ta gol va ikkita golli uzatmani yozdirib qo‘ydi. 27 yoshli forvardning "Kristal Pelas" bilan shartnomasi 2026 yilning yarmigacha mo‘ljallangan.
