"Манчестер Юнайтед"да янги ҳужумчи қидириш ишлари давом этмоқда. "Кристал Пэлас" вакили Жан-Филипп Матета "қизил иблислар" қизиқишлари доирасига тушиб қолди. Журналист Саймон Маллокнинг маълумотига кўра, манкунианликлар вакиллари франциялик футболчининг ёзги трансфери устида ишлашни бошлаб юборган. Потенциал битим қиймати 40 млн фунт стерлингга (деярли 48 млн евро) баҳоланмоқда.
Жан-Филипп Матета Премьер-лиганинг жорий мавсумида 27 та ўйинда майдонга тушиб, ўз ҳисобига 12 та гол ва иккита голли узатмани ёздириб қўйди. 27 ёшли форварднинг "Кристал Пэлас" билан шартномаси 2026 йилнинг ярмигача мўлжалланган.
