"Al-Hilol" hujumchisi Aleksandr Mitrovich yakshanba kuni ertalab Saudiya Arabistoni kasalxonasiga yotqizildi, deya xabar bermoqda klub matbuot xizmati.
30 yoshli serbiyalik futbolchining shifoxonaga yotqizilishiga yurak urishining tezlashishi sabab bo‘lgan. Qayd etilishicha, davolovchi shifokor futbolchiga to‘liq dam olishni tavsiya qilgan.
Mitrovich tizza osti payidan olgan jarohatidan so‘ng yaqinda safga qaytgandi.
Serbiyalik "Al-Hilol" safida 2023 yilning yozidan buyon to‘p tepib kelmoqda. Joriy mavsumda u Saudiya Arabistoni jamoasi safida barcha musobaqalarda 25 ta o‘yinda maydonga tushib, 21 ta gol va 3 ta golli uzatmaga mualliflik qildi.
Chorshanba kuni riyodliklar Elit OCHL nimchorak finali javob o‘yinida "Paxtakor"ni qabul qiladi.
