Klub sport kiyimlari brendi bilan uzoq muddatli shartnoma tuzganini ma’lum qildi. 2025/26 yilgi mavsumdan boshlab Adidas “Liverpul”ga erkaklar, ayollar va yoshlar jamoalari uchun o‘yin va mashg‘ulotlar uchun liboslar hamda klub xodimlari uchun kiyim-kechak yetkazib beradi.
Avvalroq bu kelishuv "Liverpul"ga yiliga 60 million funt sterlingga yaqin daromad keltirishi xabar qilingandi.
Adidas brendi avval 1985 yildan 1996 yilgacha va 2006 yildan 2012 yilgacha "Liverpul" bilan hamkorlik qilgan. Klubning hozirgi hamkori Nike kompaniyasi bo‘lib, shartnoma mavsum oxirida tugaydi.
