"Chelsi" bosh murabbiyi Enso Mareska darvozabon pozisiyasi haqida o‘z fikrlari bilan o‘rtoqlashdi.
"Bizda ikkita yaxshi darvozabon bor. Bizning fikrimiz ularni o‘zgartirish emas. Biz o‘tmishda o‘zgarishlar qildik, ammo kelajakda bunga ehtiyoj qolmaydi degan umiddaman. Men Robertga dam berishni xohlardim. U "Lester"ga qarshi (1:0) ajoyib o‘ynadi", dedi murabbiy.
Joriy mavsumda klub safida barcha musobaqalarda 24 ta o‘yin o‘tkazgan Robert Sanches mavsumning qolgan qismida ham “Chelsi”ning birinchi raqamli o‘yinchisi bo‘lib qoladi. Bu mavsumda u Premyer-ligada jami 5 marta o‘z darvozasi dahlsizligini saqlab qoldi.
