"Челси" бош мураббийи Энцо Мареска дарвозабон позицияси ҳақида ўз фикрлари билан ўртоқлашди.
"Бизда иккита яхши дарвозабон бор. Бизнинг фикримиз уларни ўзгартириш эмас. Биз ўтмишда ўзгаришлар қилдик, аммо келажакда бунга эҳтиёж қолмайди деган умиддаман. Мен Робертга дам беришни хоҳлардим. У "Лестер"га қарши (1:0) ажойиб ўйнади", деди мураббий.
Жорий мавсумда клуб сафида барча мусобақаларда 24 та ўйин ўтказган Роберт Санчес мавсумнинг қолган қисмида ҳам “Челси”нинг биринчи рақамли ўйинчиси бўлиб қолади. Бу мавсумда у Премьер-лигада жами 5 марта ўз дарвозаси даҳлсизлигини сақлаб қолди.
