"Manchester Yunayted"ning sobiq futbolchisi Ueyn Runining fikricha, "qizil iblislar" tarkibda jiddiy o‘zgarishlarga muhtoj.
"Ular o‘zlarini yo‘qotib qo‘yishgan, qo‘rqib ketishgan. Tarkibda jiddiy o‘zgarishlar kerak. Menimcha, 10-15 futbolchi klubni tark etishi kerak. Bunday bo‘lmasligi aniq, ammo bu tarkibning mentaliteti shundayki, hech kim mas’uliyatni o‘z zimmasiga olmaydi. Men Maynu va Brununi qoldirgan bo‘lardim. Futbolchilar shunchaki "keyingi o‘yinga o‘tamiz" va boshqa safsatalar aytishadi. Shunchaki xarakter ko‘rsating va maydonda jang qiling. Buni ko‘rish og‘riqli," - deya Runining so‘zlarini keltiradi Goal.













