"Манчестер Юнайтед"нинг собиқ футболчиси Уэйн Рунининг фикрича, "қизил иблислар" таркибда жиддий ўзгаришларга муҳтож.
"Улар ўзларини йўқотиб қўйишган, қўрқиб кетишган. Таркибда жиддий ўзгаришлар керак. Менимча, 10-15 футболчи клубни тарк этиши керак. Бундай бўлмаслиги аниқ, аммо бу таркибнинг менталитети шундайки, ҳеч ким масъулиятни ўз зиммасига олмайди. Мен Майну ва Брунуни қолдирган бўлардим. Футболчилар шунчаки "кейинги ўйинга ўтамиз" ва бошқа сафсаталар айтишади. Шунчаки характер кўрсатинг ва майдонда жанг қилинг. Буни кўриш оғриқли," - дея Рунининг сўзларини келтиради Goal.
