«AS» нашрининг хабар беришича, «Атлетико» «Барселона» билан боғланаётган Хулиан Альвареснинг келажаги ноаниқлиги фонида «Галатасарой» ҳужумчиси Виктор Осимхенни ўз сафига қўшиб олишни кўриб чиқмоқда.

27 ёшли нигериялик футболчининг потенциал трансферига «Манчестер Юнайтед», «Арсенал» ва «ПСЖ» клублари ҳам қизиқиш билдирмоқда.

Осимхен 2025 йилнинг ёзидан буён «Галатасарой» шарафини ҳимоя қилиб келмоқда. 2025/26 йилги мавсумда у 33 та ўйинда майдонга тушиб, 22 та гол урди ва 8 та голли узатмани амалга оширди. Унинг «Галатасарой» билан тузган шартномаси 2029 йил ёзида якунига етади. «Transfermarkt» портали ҳужумчининг қийматини 75 миллион еврога баҳоламоқда.