«AS» nashrining xabar berishicha, «Atletiko» «Barselona» bilan bog‘lanayotgan Xulian Alvaresning kelajagi noaniqligi fonida «Galatasaroy» hujumchisi Viktor Osimxenni o‘z safiga qo‘shib olishni ko‘rib chiqmoqda.

27 yoshli nigeriyalik futbolchining potensial transferiga «Manchester Yunayted», «Arsenal» va «PSJ» klublari ham qiziqish bildirmoqda.

Osimxen 2025 yilning yozidan buyon «Galatasaroy» sharafini himoya qilib kelmoqda. 2025/26 yilgi mavsumda u 33 ta o‘yinda maydonga tushib, 22 ta gol urdi va 8 ta golli uzatmani amalga oshirdi. Uning «Galatasaroy» bilan tuzgan shartnomasi 2029 yil yozida yakuniga yetadi. «Transfermarkt» portali hujumchining qiymatini 75 million yevroga baholamoqda.