Миланнинг «Интер» клуби «Реал»ни тарк этган ўнг қанот ҳимоячиси Даниэль Карвахаль билан шартнома имзолашдан манфаатдор. 34 ёшли футболчи «Қироллик клуби» билан хайрлашди – унинг шартнома муддати ниҳоясига етди.
Onda Cero маълумотларига кўра, «нерадзурри» юлдуз фахрийни эркин агент сифатида ўз сафига қўшиб олиш имкониятини кўриб чиқмоқда. Испаниялик футболчининг ўзи ҳам Европада қолишни истаётгани боис, Миланга кўчиб ўтиш варианти унга маъқул келиши мумкин.
Даниэль Карвахаль «қаймоқранглилар» сафида жами 451 та ўйин ўтказган, шундан 23 таси ўтган мавсумга тўғри келади. Катта эҳтимол билан, «Интер»да олти карра Чемпионлар лигаси ғолиби айнан «Реал»га йўл олаётган Дензел Дюмфриснинг ўрнини эгаллайди.
