Milanning «Inter» klubi «Real»ni tark etgan o‘ng qanot himoyachisi Daniel Karvaxal bilan shartnoma imzolashdan manfaatdor. 34 yoshli futbolchi «Qirollik klubi» bilan xayrlashdi – uning shartnoma muddati nihoyasiga yetdi.
Onda Cero ma’lumotlariga ko‘ra, «neradzurri» yulduz faxriyni erkin agent sifatida o‘z safiga qo‘shib olish imkoniyatini ko‘rib chiqmoqda. Ispaniyalik futbolchining o‘zi ham Yevropada qolishni istayotgani bois, Milanga ko‘chib o‘tish varianti unga ma’qul kelishi mumkin.
Daniel Karvaxal «qaymoqranglilar» safida jami 451 ta o‘yin o‘tkazgan, shundan 23 tasi o‘tgan mavsumga to‘g‘ri keladi. Katta ehtimol bilan, «Inter»da olti karra Chempionlar ligasi g‘olibi aynan «Real»ga yo‘l olayotgan Denzel Dyumfrisning o‘rnini egallaydi.
