«Реал»нинг бўлажак бош мураббийи Жозе Моуринью «Ливерпуль»ни эркин агент сифатида тарк этган марказий ҳимоячи Ибраима Конатенинг Мадрид клубига ўтишини маъқуллади, деб хабар беради «Cadena SER».
27 ёшли франциялик футболчи Давид Алаба кетганидан сўнг, шунингдек, Антонио Рюдигер ва Эдер Милитао тез-тез жароҳат олаётгани сабабли «Реал»нинг асосий трансфер мақсади ҳисобланади.
Агар Конате «Реал»га ўтса, у жамоанинг энг кўп маош олувчи ўйинчилари қаторида бўлмайди — унинг маоши Трент Александер-Арнолд даражасида бўлади.
Аввалроқ, Флорентино Перес клуб президенти лавозимига қайта сайланса, «Мадрид» Конате билан «4+1» схемаси бўйича шартнома имзолаши маълум бўлган эди.
