Таниқли инсайдер Фабрицио Романо Мадриднинг «Реал» клуби трансфер бозорида фаол ишлашда давом этишига ишонмоқда.

«Қироллик клуби» аллақачон Миланнинг «Интер» жамоасидан Дензел Дюмфриснинг трансферини келишиб олди, шунингдек, «Ливерпуль»ни тарк этган эркин агент Ибраима Конате ҳам жамоа сафига қўшилиши мумкин.

Романонинг хабарларига кўра, бу «Реал» учун фақат бошланиши. «Қироллик» клуби ёз давомида яна бир қатор битимларни амалга оширишни режалаштирмоқда. Дензел Дюмфриснинг трансфери Ла Лига грандига 20 миллион еврога тушади, бу 30 ёшли футболчининг «Интер» билан шартномасидаги товон пули бандида кўрсатилган. Мадридликларнинг янги мураббийи Жозе Моуриньо бўлиши кутилмоқда, у ҳам трансфер ишларида фаол иштирок этмоқда.