Taniqli insayder Fabrisio Romano Madridning «Real» klubi transfer bozorida faol ishlashda davom etishiga ishonmoqda.

«Qirollik klubi» allaqachon Milanning «Inter» jamoasidan Denzel Dyumfrisning transferini kelishib oldi, shuningdek, «Liverpul»ni tark etgan erkin agent Ibraima Konate ham jamoa safiga qo‘shilishi mumkin.

Romanoning xabarlariga ko‘ra, bu «Real» uchun faqat boshlanishi. «Qirollik» klubi yoz davomida yana bir qator bitimlarni amalga oshirishni rejalashtirmoqda. Denzel Dyumfrisning transferi La Liga grandiga 20 million yevroga tushadi, bu 30 yoshli futbolchining «Inter» bilan shartnomasidagi tovon puli bandida ko‘rsatilgan. Madridliklarning yangi murabbiyi Joze Mourinyo bo‘lishi kutilmoqda, u ham transfer ishlarida faol ishtirok etmoqda.