Olmaotaning “Qayrat” klubi sobiq bosh murabbiyi Aleksandr Kerjakov o‘ziga kelib tushgan yangi takliflar bo‘yicha gapirib o‘tdi. Bu haqda Championat xabar berdi.

Futbolchi YouTube’dagi Smol Talk kanali jurnalisti Fyodor Smolov bilan suhbatda unga O‘zbekistondan ham takliflar bo‘lganini aytib o‘tgan.

"Ha, muzokaralar olib borilmoqda, ba’zi ekzotik joylardan takliflar oldim — Vyetnam, Hindiston, O‘zbekiston. Lekin men bu takliflarni rad etdim", — dedi Kerjakov.

Ma’lumot uchun, Kerjakov “Qayrat”dan oldin Serbiyaning “Spartak Subotisa” (2023 yil iyun–noyabr), Kiprning “Karmiotissa” (2023 yil fevral–aprel), Rossiyaning “Nijniy Novgorod” (2021 yil iyun – 2022 yil iyun) va “Tom” (2020 yil sentyabr – 2021 yil may) klublarida bosh murabbiy sifatida ishlagan.