Shanba kuni “Manchester Siti” Angliya chempionati doirasidagi uy uchrashuvini “Brayton”ga qarshi o‘tkazadi. "Shaharliklar" bosh murabbiyi Xosep Gvardiola raqib haqida fikr bildirdi.
"Brayton" - maydonda va undan tashqarida o‘yin ko‘rsatish bo‘yicha Premyer-liganing eng yaxshi klublaridan biri. Ularda aql bovar qilmaydigan ishlarni qilayotgan ajoyib yosh murabbiy bor. Ularning muvaffaqiyati ajablanarli emas, chunki ular transfer bozorida yaxshi ishlaydi va yaxshi futbol o‘ynaydi. Ular jadvalning mana shu o‘rnida bo‘lishga loyiq", - dedi Gvardiola matbuot anjumanida.
"Brayton" Premyer-liga turnir jadvalida yettinchi o‘rinni egallab turibdi.
