"Napoli" A Seriyada yana ochko yo‘qotdi.

Turnir jadvalida 19-o‘rinda borayotgan "Venesiya" A Seriyaning 29-turida o‘z maydonida "Napoli" bilan durang o‘ynadi (0:0).

Shu tariqa Antonio Konte murabbiyligidagi jamoa so‘nggi 7 o‘yinda atigi 1 marta g‘alaba qozondi.

Neapolliklar 61 ochko bilan 2-o‘rinni egallab turibdi. "Inter" hisobida 61 ochko, "Atalanta"da 58 ochko bor, bu jamoalar bugun o‘zaro o‘ynaydi.

Terma jamoalar o‘yinlaridagi tanaffusdan so‘ng "Napoli" 30 mart kuni "Milan"ni qabul qiladi.

Eslatib o‘tamiz, "Napoli" bu mavsumda yevrokuboklarda ishtirok etmayapti va allaqachon Italiya kubogini tark etgan.