Ispaniya terma jamoasi bosh murabbiyi Luis de la Fuente Pedri va Dani Olmoni qanday pozisiyalarda ko‘rayotgani haqida gapirdi.

"Barselona"ning ikkala vakili ham Millatlar ligasi chorak finalida Niderlandiyaga qarshi o‘yin uchun "qizil furiya" tarkibiga chaqirildi.

"Pedri ("Barselona"dagiga qaraganda) ko‘proq hujumkor pozisiyalarda o‘ynay oladi. Olmo ham universal - u hujumda istalgan joyda o‘zini ko‘rsata oladi. Pedri maydon markazida o‘yinni nazorat qilmoqda, Dani esa maydonning uchinchi qismida porlamoqda," - dedi de la Fuente matbuot anjumanida.