Xorvatiya terma jamoasi Millatlar Ligasi 1/4 finalining dastlabki o‘yinida Fransiyani mag‘lub etdi - 2:0. O‘yin Xorvatiyaning "Polyud" stadionida bo‘lib o‘tdi.
Uchrashuvning 8-daqiqasida fransuzlar darvozasiga penalti belgilandi, biroq darvozabon Mayk Menyan Andrey Kramarichning zarbasini qaytardi. Shunday bo‘lsa-da, tanaffusga qadar xorvatlar o‘yindan ikkita gol urishga muvaffaq bo‘lishdi. Avvaliga Ivan Perishichning uzatmasini Ante Budimir darvozaga joylab qo‘ydi, keyin Perishichning o‘zi gol urdi. Ikkinchi bo‘limda gol urilmadi.
Javob o‘yini Fransiyada 23 mart, yakshanba kuni bo‘lib o‘tadi.
