Хорватия терма жамоаси Миллатлар Лигаси 1/4 финалининг дастлабки ўйинида Францияни мағлуб этди - 2:0. Ўйин Хорватиянинг "Полюд" стадионида бўлиб ўтди.
Учрашувнинг 8-дақиқасида французлар дарвозасига пенальти белгиланди, бироқ дарвозабон Майк Меньян Андрей Крамаричнинг зарбасини қайтарди. Шундай бўлса-да, танаффусга қадар хорватлар ўйиндан иккита гол уришга муваффақ бўлишди. Аввалига Иван Перишичнинг узатмасини Анте Будимир дарвозага жойлаб қўйди, кейин Перишичнинг ўзи гол урди. Иккинчи бўлимда гол урилмади.
Жавоб ўйини Францияда 23 март, якшанба куни бўлиб ўтади.
