Madridning "Real" klubi Arda Gyuler bilan mashg‘ulotlarga munosabati tufayli xayrlashishi mumkin.

Relevo nashri xabariga ko‘ra, madridliklar bosh murabbiyi Karlo Anchelotti 20 yoshli turkiyalik futbolchining mashg‘ulotlardagi sifatidan to‘liq mamnun emas.

Qayd etilishicha, Gyuler himoyada yetarlicha intensiv o‘ynamayapti, shuningdek, rasmiy o‘yinlarda ham o‘zini yaxshi ko‘rsatmayapti.

Shu bilan birga, vinger jamoada muhimroq o‘rin egallashni istaydi va ijaraga ketishni rejalashtirmayapti. Agar vaziyat o‘zgarmasa, Gyuler "Real" tomonidan to‘liq transfer varianti ko‘rib chiqilishi mumkin.

Anchelotti individual futbolchining manfaatlarini jamoadan ustun qo‘yishga tayyor emas va futbolchidan o‘zgarishlar kutmoqda. Klub ham Gyulerning rivojlanishiga umid qilishda davom etmoqda.

Joriy mavsumda turkiyalik futbolchi klub safida 31 ta o‘yin o‘tkazib, 3 ta gol urdi va 5 ta golli uzatmani amalga oshirdi.