Мадриднинг "Реал" клуби Арда Гюлер билан машғулотларга муносабати туфайли хайрлашиши мумкин.

Relevo нашри хабарига кўра, мадридликлар бош мураббийи Карло Анчелотти 20 ёшли туркиялик футболчининг машғулотлардаги сифатидан тўлиқ мамнун эмас.

Қайд этилишича, Гюлер ҳимояда етарлича интенсив ўйнамаяпти, шунингдек, расмий ўйинларда ҳам ўзини яхши кўрсатмаяпти.

Шу билан бирга, вингер жамоада муҳимроқ ўрин эгаллашни истайди ва ижарага кетишни режалаштирмаяпти. Агар вазият ўзгармаса, Гюлер "Реал" томонидан тўлиқ трансфер варианти кўриб чиқилиши мумкин.

Анчелотти индивидуал футболчининг манфаатларини жамоадан устун қўйишга тайёр эмас ва футболчидан ўзгаришлар кутмоқда. Клуб ҳам Гюлернинг ривожланишига умид қилишда давом этмоқда.

Жорий мавсумда туркиялик футболчи клуб сафида 31 та ўйин ўтказиб, 3 та гол урди ва 5 та голли узатмани амалга оширди.