"Bavariya" hujumchisi Xarri Keyn faoliyatini yakunlamoqchi bo‘lgan joriy mavsum oxirida Angliya Premyer-ligasiga qaytish variantini jiddiy ko‘rib chiqmoqda. Bu haqda 31 yoshli futbolchiga yaqin manbalarga tayanib, El Nacional xabar berdi.

Ularning ma’lumotlariga ko‘ra, "Liverpul" ingliz forvardi bilan shartnoma imzolash uchun favorit hisoblanadi. Ta’kidlanishicha, "mersisaydliklar" Angliya terma jamoasi sardoriga ulkan loyiha, ahil jamoa va haqiqiy ambisiyalarni taklif qilishlari mumkin. Shu bilan birga, "Bavariya" kuchli muzokaralar olib bormoqda, chunki Keynning Myunxen klubi bilan shartnomasi 2027 yilning yoziga qadar amal qiladi. Biroq futbolchining Angliyaga qaytish istagi hal qiluvchi bo‘lishi mumkin.

Keyn 2023 yilning yozida "Tottenxem"dan "Bavariya"ga o‘tgan edi. Joriy mavsumda u barcha turnirlarda 37 ta o‘yin o‘tkazib, 32 ta gol urdi va 11 ta golli uzatmani amalga oshirdi. Transfermarkt portalida berilgan ma’lumotlarga ko‘ra, futbolchining bozor qiymati 90 million yevroni tashkil qiladi.