"Бавария" ҳужумчиси Харри Кейн фаолиятини якунламоқчи бўлган жорий мавсум охирида Англия Премьер-лигасига қайтиш вариантини жиддий кўриб чиқмоқда. Бу ҳақда 31 ёшли футболчига яқин манбаларга таяниб, El Nacional хабар берди.

Уларнинг маълумотларига кўра, "Ливерпуль" инглиз форварди билан шартнома имзолаш учун фаворит ҳисобланади. Таъкидланишича, "мерсисайдликлар" Англия терма жамоаси сардорига улкан лойиҳа, аҳил жамоа ва ҳақиқий амбицияларни таклиф қилишлари мумкин. Шу билан бирга, "Бавария" кучли музокаралар олиб бормоқда, чунки Кейннинг Мюнхен клуби билан шартномаси 2027 йилнинг ёзига қадар амал қилади. Бироқ футболчининг Англияга қайтиш истаги ҳал қилувчи бўлиши мумкин.

Кейн 2023 йилнинг ёзида "Тоттенхэм"дан "Бавария"га ўтган эди. Жорий мавсумда у барча турнирларда 37 та ўйин ўтказиб, 32 та гол урди ва 11 та голли узатмани амалга оширди. Transfermarkt порталида берилган маълумотларга кўра, футболчининг бозор қиймати 90 миллион еврони ташкил қилади.