"Sautgempton" futbolchisi Tayler Diblingga Angliya Premyer-ligasining ikki grandi qiziqish bildirmoqda.

19 yoshli futbolchi "avliyolar"ning chempionatdagi o‘ta muvaffaqiyatsiz natijalariga qaramay, joriy mavsumda o‘zini ko‘rsatdi. Jurnalist Florian Plettenbergning yozishicha, "Manchester Siti" va "Tottenxem" mahalliy klublar orasida istiqbolli angliyalik futbolchi uchun asosiy da’vogarlar hisoblanadi. Futbolchini Germaniyaning "RB Leypsig" klubi ham sotib olmoqchi. "Bavariya" ham yangi yulduzning muvaffaqiyatlarini kuzatib bormoqda, ammo hozircha aniq qadam tashlamayapti.

Tayler Dibling joriy mavsumda 4 ta gol va 2 ta golli uzatmaga mualliflik qildi. Transfermarkt portali "Sautgempton" tarbiyalanuvchisining narxini 25 mln yevroga baholamoqda.