"Chelsi"ning o‘ng qanot himoyachisi Ris Jeyms Angliya terma jamoasining jahon chempionati saralashida Latviya ustidan qozongan g‘alabasidan (3:0) keyin o‘z fikrlari bilan o‘rtoqlashdi.

Uchrashuvda hisobni ochgan 25 yoshli futbolchi 38-daqiqada jarima zarbasidan gol urdi. Ikkinchi bo‘limda Xarri Keyn va Eberechi Eze o‘z gollari bilan "uch sherlar"ning g‘alabasini mustahkamladi.

"Yana terma jamoada o‘ynayotganimdan xursandman. Oradan ancha vaqt o‘tdi, so‘nggi ikki yarim yil men uchun omadsiz kechdi.

Jonli devorni ko‘rib, to‘pni aylantirib zarba berish mumkinligini tushundim. Xayriyatki, shunday bo‘ldi. Mening gol nishonlashim? Men gol urganimdan hayron bo‘ldim, ammo darvozabonga to‘pni qaytarish chindan ham qiyin bo‘lardi," - dedi Jeyms ITV telekanaliga bergan intervyusida.