UFC'ning og‘ir vazn toifasidagi sobiq chempioni Kain Velaskes 2022 yilda sodir bo‘lgan otishma bo‘yicha Santa Klara okrugi sudi tomonidan 5 yillik qamoq jazosiga hukm qilindi. Bu haqida Newworkpost nashri xabar berdi.

U farzandining jinsiy zo‘ravonlik qurboni bo‘lganini eshitib, gumonlanuvchi ortidan quvib borgan va uning mashinasiga qarata o‘t ochgan.

2022 yil fevral oyida Velaskes jinoyatchi Garri Goularte boshqarayotgan mashinani quvib kelib, uning old oynasiga qarata o‘t ochgan. O‘q Goulartega tegmagan, biroq mashina ichida bo‘lgan o‘gay otasi Pol Benderga tegib, uni jarohatlagan.

Sud zalida Velaskes o‘z qilmishidan afsusdaligini bildirgan.

Men uzr so‘rayman. O‘sha vaziyatda shoshib qolgan edim. Bu harakatlarimda afsusdaman. Pol Bender tezroq tuzalib ketishini Xudodan so‘rayman, degan sobiq UFC jangchisi

Velaskesning advokatining so‘zlariga ko‘ra, u hibsga olingan kundan hisoblanganda, taxminan yana bir yil qamoqda qolishi mumkin. Prokuratura sobiq sportchiga 30 yil yoki umrbod qamoq jazosi tayinlanishini so‘ragan, ammo Velaskesning advokati unga ozodlikdan cheklash jazosi berilishini iltimos qilgan. Sud esa sobiq UFC jangchisiga 5 yillik qamoq jazosi tayinladi.

Goularte Velaskesning o‘g‘liga jinsiy tajovuz qilganlikda ayblanmoqda va unga nisbatan sud jarayoni 2 iyunda boshlanishi rejalashtirilgan. Hozirda u tegishli organlar kuzatuvda bo‘lib turibdi.