Yamal terma jamoadagi samarali harakatlari bo‘yicha Vinisiusga tenglashib oldi

Ispaniya terma jamoasi vingeri Lamin Yamal Niderlandiyaga qarshi Millatlar ligasi chorak final uchrashuvida golli uzatmani amalga oshirdi (3:3, penaltilar – 5:4).

Endilikda u o‘z mamlakati terma jamoasi safida 19 ta o‘yinda 4 ta gol va 8 ta golli uzatmani amalga oshirdi.

17 yoshli Yamal xalqaro miqyosda samarali harakatlar soni bo‘yicha Braziliya terma jamoasi yarim himoyachisi Vinisius Junior bilan tenglashib oldi.

Braziliyalik futbolchi 38ta o‘yinda 6 ta gol va 6 ta golga assistentlik qilgan.