Angliya terma jamoasining sobiq hujumchisi Darren Bent "Liverpul" muxlislarini himoyachi Trent Aleksander-Arnoldga nisbatan xushtakbozlik qilmaslikka chaqirdi.
Bir kun avval bir qancha nufuzli nashrlar Aleksandr-Arnoldning "Real" bilan 5 yillik shartnoma borasida kelishib olgani haqida xabar bergan edi.
Aleksander-Arnold mavsum oxirida o‘zining bolaligidagi klubi "Liverpul"ni bepulga tark etadi va Bent bu "qizillar" muxlislarini xafa qilishini biladi, ammo Darren ularni jarohatdan qaytganida Trentdan xafa bo‘lmaslikka chaqirdi.
"Bunday narsalar sodir bo‘ladi. Aytishingiz mumkinki, "Liverpul" uni bu holatga keltirishi uchun mas’ul bo‘ldi deb.
U "Liverpul" uchun 340 dan ortiq o‘yin o‘tkazdi, u o‘ziga xos iste’dod egasi va u ajoyib klubga boradi.
Ha, u Yevropa futbolidagi eng yirik klublardan birini tark etib, "Real Madrid"ga o‘tmoqda, buni tushuna olaman.
Bu har doim bahsli bo‘lib qoladi va men har doim shunday deyishim mumkin:" Siz u uchun nima qilganingizga qarasangiz, u siz uchun nima qilganiga ham qarang va bu juda ko‘p. U ko‘plab gollar urdi va sizga yordam berdi va tarixingizdagi haqiqatan ham muvaffaqiyatli davrning bir qismi bo‘ldi. U sizning marhamatingizsiz ketayotganini tushunaman, lekin uni xijolat qilmang. Keyingi o‘yinda unga nisbatan hushtakbozlik qilmang" - dedi Bent talkSPORT nashriga.
