"Manchester Yunayted"ning sobiq himoyachisi Fil Bardslining fikricha, "qizil iblislar" sardori Brunu Fernandesh xafa bo‘lishga haqli.
Mavsum boshida "Manchester Yunayted" afsonasi Roy Kin Fernandeshni yetakchilik fazilatlari yo‘qligi uchun qattiq tanqid qilgan edi.
Biroq, Bardsli portugaliyalik yarim himoyachi "Manchester Yunayted"ning avvalgi cho‘qqilariga qaytishiga yordam berish uchun o‘z faoliyatini qurbon qilgani uchun hurmatga loyiq deb hisoblaydi.
"Roy Kin bu borada haqli, Brunu Fernandesh ko‘proq ish qila oladi, ammo boshqa jamoada u sovrinlarni yutardi. U "Manchester Yunayted"ga o‘zlari xohlagan joyiga qaytishga yordam berish uchun o‘z karyerasini qurbon qilmoqda.
U ko‘rsatayotgan o‘yinlari bo‘yicha har haftada ajralib turadi, faqat uning gollari va uzatmalariga qarang. Usiz "Manchester Yunayted" qayerda bo‘lardi, deb o‘ylashdan qo‘rqaman.
U qiyinchiliklardan qochmaydi va uning ish yuki hech kimdan kam emas, lekin Roy kapitan sifatida shunday standartlarni o‘rnatganki, ba’zida Brununing hafsalasi pir bo‘lib, qo‘llarini havoga ko‘targani unga yoqmaydi.
Ammo bu uning "MYU" bilan sovrinlarni yutish istagidan kelib chiqadi, bu uning xarakteri va u "MYU"ning turnir jadvaliga ko‘tarilishga urinishida muhim rol o‘ynaydi", - dedi Bardsli Daily Mirror bilan suhbatda.
