Eron terma jamoasi JCH-2026 yo‘llanmasini qo‘lga kiritdi, biroq AQSHning yangi prezidenti Donald Tramp siyosati tufayli musobaqani o‘tkazib yuborishi mumkin. Bu haqda The Guardian nashri xabar berdi.
U 43 ta o‘zi uchun do‘stona bo‘lmagan davlatlar ro‘yxatini tuzdi va ushbu mamlakatlar fuqarolarining Amerika Qo‘shma Shtatlariga kirishini taqiqlash masalasini ko‘rib chiqmoqda.
Bunday holatda eronlik futbolchilar Amerika Qo‘shma Shtatlariga kira olmaydi, ya’ni ular jahon chempionatini o‘tkazib yuborishga majbur bo‘ladi.
Eron va AQSH bir-biriga qarama-qarshi siyosatni olib bormoqda. Eron fuqarolari Qo‘shma Shtatlarga kirish huquqidan to‘liq mahrum bo‘lishi mumkinligi haqida xabarlar tarqalgan.
Agar Tramp ushbu taqiqni tasdiqlasa, Eron, shuningdek, Suriya, Kuba va Shimoliy Koreya kabi mamlakatlar ham AQSHga kira olmaydi.
