Эрон терма жамоаси ЖЧ-2026 йўлланмасини қўлга киритди, бироқ АҚШнинг янги президенти Дональд Трамп сиёсати туфайли мусобақани ўтказиб юбориши мумкин. Бу ҳақда The Guardian нашри хабар берди.
У 43 та ўзи учун дўстона бўлмаган давлатлар рўйхатини тузди ва ушбу мамлакатлар фуқароларининг Америка Қўшма Штатларига киришини тақиқлаш масаласини кўриб чиқмоқда.
Бундай ҳолатда эронлик футболчилар Америка Қўшма Штатларига кира олмайди, яъни улар жаҳон чемпионатини ўтказиб юборишга мажбур бўлади.
Эрон ва АҚШ бир-бирига қарама-қарши сиёсатни олиб бормоқда. Эрон фуқаролари Қўшма Штатларга кириш ҳуқуқидан тўлиқ маҳрум бўлиши мумкинлиги ҳақида хабарлар тарқалган.
Агар Трамп ушбу тақиқни тасдиқласа, Эрон, шунингдек, Сурия, Куба ва Шимолий Корея каби мамлакатлар ҳам АҚШга кира олмайди.
