"Arsenal" klubi sport direktori Andrea Berta bilan shartnoma imzolaganini e’lon qildi.
53 yoshli Berta yanvar oyi boshida o‘zi 12 yil ishlagan "Atletiko"ni tark etdi va shundan beri klubsiz edi. U bungacha "Karpenedolo," "Parma" va "Jenoa" klublarida ishlagan.
Eslatib o‘tamiz, 2024 yilning noyabr oyida "kanonirlar"ning sobiq sport direktori Edu Gaspar lavozimini tark etgandi.
Ayni paytda "Arsenal" APL jadvalida 2-o‘rinda bormoqda.