Nufuzli insayderning aytishicha, Londonning "Arsenal" klubi tez orada jamoaning asosiy vingeri bilan yangi uzoq muddatli shartnoma borasida muzokaralar olib boradi.
Fabrisio Romano xabariga ko‘ra, Bukayo Sakaning agentlari tez orada "kanonirlar" rahbariyati bilan uchrashuv o‘tkazishadi va unda 23 yoshli angliyalik futbolchi bilan hamkorlikni davom ettirish masalasi muhokama qilinadi.
Saka joriy mavsumda “Arsenal” safida 24 ta o‘yinda maydonga tushib, 9 ta gol urdi va 14 ta golli uzatmani amalga oshirdi.
