Juralist Ekrem Konurning yozishicha, “rossonerilar” vakillari Benjamin Sheshko atrofidagi vaziyatni diqqat bilan kuzatib borishmoqda, biroq ular nemis klubi bilan 21 yoshli sloveniyalikning ehtimoliy transferi borasida muzokaralarni boshlamagan.

Oldinroq Londonning “Arsenal” va “Chelsi” jamoalari ham istiqbolli forvardga etibor qaratayotgani haqida xabarlar tarqalgan edi.

Sheshko joriy mavsumda “RB Leypsig” safida 37 ta o‘yinda maydonga tushib, 17 ta gol urdi va 6 ta golli uzatmani amalga oshirdi.

Transfermarkt portali uning narxini 65 million yevroga baholamoqda.