Braziliyalik sobiq futbolchi Dani Alvesning rafiqasi Xoana Sans homiladorligini ma’lum qildi, deb yozadi Daily Mail modelning "Instagram" sahifasiga tayanib.
Ispaniyalik model avvalroq Alves bilan ajrashayotganini e’lon qilgandi, biroq ajrashish haqiqatda sodir bo‘lgani haqida hech qanday tasdiq yo‘q edi. U bolaning otasi kimligini oshkor qilmadi.
Nashrning qayd etishicha, braziliyalik garov evaziga qo‘yib yuborilganidan so‘ng, er-xotin yarashgan bo‘lishi mumkin. Sansning farzandi yo‘q, u ilgari uch marta homilador bo‘lgan.
Kataloniya sudining uch ayol va bir erkakdan iborat jinoyat ishlari bo‘yicha palatasi Dani Alvesni zo‘rlashda aybsiz deb topdi.
Eslatib o‘tamiz, Dani bu ish bo‘yicha 2023 yilning yanvaridan beri qamoqda edi. Zo‘rlash hodisasi 2022 yilning 30 dekabrida sodir bo‘lgan. Jabrlanuvchining ta’kidlashicha, Alves uni Barselonadagi tungi klubning VIP bo‘limining hojatxonasiga aldab, so‘ng u bilan jinsiy aloqa qilishga majburlagan.
U o‘tgan yilning fevral oyida 4,5 yillik qamoq jazosiga hukm qilingan edi, biroq bir oy o‘tib, hukm yakuniy qaroriga kelguniga qadar 1 million yevro garov evaziga qo‘yib yuborildi.
Kataloniya sudi Jinoyat ishlari bo‘yicha kollegiyasi ishni o‘rganib chiqdi va jabrlanuvchining ko‘rsatmalari hukmni o‘z kuchida qoldirish uchun yetarli emas, degan xulosaga keldi.
Sud jazoni 9 yilga oshirishni so‘ragan prokurorning, jabrlanuvchining esa jazoni 12 yilga oshirishni so‘ragan apellyasiyasini rad etdi.
