"Liverpul" himoyachisi Ibrahima Konate jamoasining Angliya Premyer-ligasida g‘alaba qozonish uchun olib borayotgan kurashi haqida gapirdi.
"Klubda hamma bu maqsadga erishmoqchi. Hozircha hech narsa hal qilinmagan, shuning uchun biz mavsum tugaguniga qadar ishlashda davom etishimiz kerak. Biz Premyer-liga chempionligini qo‘lga kiritishni istaymiz. Buning ustida har kuni ishlayapmiz.
"Liverpul"ning yomon mavsumi haqida OAV nima deyayotganiga e’tibor bermasligimiz kerak. Mavsum boshlanishidan oldin barcha mumkin bo‘lgan sovrinlar uchun kurashishimizni hech kim kutmagandi", dedi Konate.
29 ta o‘yindan so‘ng 70 ochko to‘plagan “Liverpul” “Arsenal”dan 9 ochkolik ustunlikka ega bo‘lib, APL turnir jadvalida peshqadam bo‘lib turibdi.
