"Milan"da ijara asosida o‘ynayotgan "Manchester Siti" himoyachisi Kayl Uoker shaharliklar bosh murabbiyi Pep Gvardiolaning so‘zlariga munosabat bildirdi.
Oldinroq ispaniyalik mutaxassis Uoker allaqachon "Manchester Siti" emas, "Milan" futbolchisi ekanini aytgandi.
"Jamoa bilan xayrlashayotgan paytda Pep o‘rnidan turib, menga juda yoqimli so‘zlarni aytdi, shunchaki menga hamma narsa uchun minnatdorchilik bildirdi. Lekin eshiting, bu oxiri emas. Men bu yerda faqat ijaradaman", - deya Uokerning so‘zlarini keltirmoqda Manchester Evening News.
Futbolchi ijara shartnomasi tugaganidan keyin "Manchester Siti"ga qaytishi mumkinligini inkor etmadi.
