Ispaniyalik sobiq himoyachi Jerar Pike "Bavariya"ning Tomas Myuller bilan yaqinlashib kelayotgan xayrlashuvi haqida qanday fikrda ekanini aytdi.
Aniq ma’lumotlarga qaraganda, myunxenliklar forvard bilan tugayotgan shartnomani uzaytirmaslikka qaror qilgan. 35 yoshli futbolchi hali kelajagi borasida bir qarorga kelgani yo‘q - u butsalarini mixga ilib qo‘yishi ham, xorij klubiga ko‘chib o‘tishi ham mumkin.
"Myuller o‘zi to‘g‘ri deb bilgan ishni qilishi kerak. Axir, hamma odamlar har xil, hammasining o‘z manfaati bor. Balki u biror yangi narsani sinab ko‘rmoqchidir yoki faoliyatini yakunlamoqchidir - bu uning ishi. U o‘ziga nima kerakligini aniq biladi. Tomasga eng yaxshi tilaklarni tilayman, axir u ajoyib yigit," - deya Pikening so‘zlarini keltiradi Bayern & Germany.
