Испаниялик собиқ ҳимоячи Жерар Пике "Бавария"нинг Томас Мюллер билан яқинлашиб келаётган хайрлашуви ҳақида қандай фикрда эканини айтди.
Аниқ маълумотларга қараганда, мюнхенликлар форвард билан тугаётган шартномани узайтирмасликка қарор қилган. 35 ёшли футболчи ҳали келажаги борасида бир қарорга келгани йўқ - у бутсаларини михга илиб қўйиши ҳам, хориж клубига кўчиб ўтиши ҳам мумкин.
"Мюллер ўзи тўғри деб билган ишни қилиши керак. Ахир, ҳамма одамлар ҳар хил, ҳаммасининг ўз манфаати бор. Балки у бирор янги нарсани синаб кўрмоқчидир ёки фаолиятини якунламоқчидир - бу унинг иши. У ўзига нима кераклигини аниқ билади. Томасга энг яхши тилакларни тилайман, ахир у ажойиб йигит," - дея Пикенинг сўзларини келтиради Bayern & Germany.
