"Bornmut"ning iste’dodli markaziy himoyachisi "Bavariya"ning yozgi transfer maqsadlari ro‘yxatiga kiritildi.

Nufuzli nemis jurnalisti Kristian Falk CaughtOffside nashri uchun eksklyuziv ravishda "Bavariya" chindan ham "Bornmut"dan 19 yoshli Din Xeysenga qiziqish bildirayotganini ma’lum qildi. Ispaniya terma jamoasi futbolchisining "giloslar" bilan amaldagi shartnomasi 2030 yilning iyun oyi oxirigacha mo‘ljallangan va unda 60 million yevrolik tovon puli mavjud.

Bu mavsumda Din Xeysen "Bornmut" safida barcha musobaqalarda 28 ta o‘yinda maydonga tushib, 2 ta gol urgan. Transfermarkt sayti ma’lumotlariga ko‘ra, uning narxi 42 million yevroga baholanmoqda.