Emmanuel Peti Saudiya Arabistoniga ko‘chib o‘tsa Vinisiusni ayblamaydi.

"Oxir-oqibat, pul katta rol o‘ynaydi va siz saudiyaliklar eng yaxshi futbolchilar uchun qancha to‘lashga tayyorligini bilasiz. Ba’zida Saudiya Arabistoni ba’zi top futbolchilarni nishonga olishi hayratlanarli bo‘lishi mumkin, ammo bunday pullar bilan kim ularga "yo‘q" deya oladi?

Vini 24 yoshda. Saudiya Arabistoni uchun bu juda yosh. Shu yoshda u yerga borishga hali erta, deyman, lekin kimdir oldingizga kelib shuncha pulni dasturxonga qo‘yib qo‘ysa, qanday qilib rad qilasiz?", - deya ta’kidladi Fransiya terma jamoasining sobiq yarim himoyachisi.