"Kristal Pelas" Premyer-liga tarixida ikki futbolchisi qizil kartochka olib, o‘z uyida g‘alaba qozongan birinchi jamoa bo‘ldi.
APLning 31-turidan o‘rin olgan uchrashuvda londonliklar o‘z maydonida “Brayton”ni qabul qilib, 2:1 hisobida zafar quchdi.
Mezbonlar safida Jan-Filip Mateta va Daniel Munyos gol urishdi.
Mehmonlar Denni Uelbekning aniq zarbasi bilan javob qaytarishdi. Uchrashuv qizil kartochkalar sababli ham yodda qoldi.
Mezbonlar Edvard Nketia hamda Mara Geidan mahrum bo‘lishdi. Mehmonlardan Yan-Pol van Xekke maydonni erta tark etdi. Liga tarixida hech bir klub o‘z uyida ikkita qizil kartochkadan keyin g‘alaba qozona olmagan.
