"Chelsi" UEFA tomonidan jiddiy sanksiyalarga duch kelishi mumkin. Klubda moliyaviy feyr-pley bilan bog‘liq muammolar mavjud. The Times xabariga ko‘ra, UEFA London klubiga ayollar jamoasi va mehmonxonalar sotuvidan tushgan daromadni hisobga olishga ruxsat bermaydi.

Manbaga ko‘ra, "Chelsi" yevrokuboklarda ishtirok etish uchun so‘rov yuborishi mumkin.

Eslatib o‘tamiz, ayni damda "Chelsi" Konferensiyalar ligasida ishtirok etmoqda. Ushbu musobaqaning chorak finalida Enso Mareska jamoasiga Polshaning "Legiya" klubi raqiblik qiladi. Dastlabki o‘yin 10 aprel kuni Varshavada, javob o‘yini esa 17 aprel kuni Londonda bo‘lib o‘tadi.

APL turnir jadvalida "Chelsi" ayni damda to‘rtinchi o‘rinda bormoqda.