Italiya A seriyasining 31-turidan o‘rin olgan uchrashuv yakunlandi, unda "Roma" va Turinning "Yuventus" jamoalari o‘zaro to‘qnash kelishdi. O‘yin Italiyaning Rim shahrida joylashgan "Olimpiko" stadionida bo‘lib o‘tdi. Bellashuv 1:1 hisobida durang bilan yakunlandi.

Uchrashuvda hisob 40-daqiqada ochildi — "Yuventus" yarimhimoyachisi Manuel Lokatelli gol muallifi bo‘ldi. 49-daqiqada esa Eldor Shomurodov hisobni tenglashtirdi. Mezbonlar burchak zarbasidan keyin Ndika bosh bilan zarba berdi. "Yuve" posboni to‘pni qaytardi. Shomurodov esa yaqin masofadan darvozani ishg‘ol qildi. O‘zbekistonlik futbolchi zaxiradan maydonga tushgan edi.

Mazkur durangdan so‘ng "Yuventus" Italiya chempionati jadvalida beshinchi o‘rinni egallab turibdi. Igor Tudor boshqaruvidagi jamoa 31 uchrashuvdan so‘ng 56 ochko jamg‘argan. "Roma" ham shuncha o‘yindan so‘ng 53 ochko to‘plagan va jadvalda yettinchi o‘rinda bormoqda. Bosh murabbiy Klaudio Ranyeri boshchiligidagi jamoa yetakchi "Inter"dan (68 ochko) orqada qolmoqda.

Italiya — A Seriya. 31-tur  
Roma (Rim) - Yuventus (Turin) - 1:1
Gollar: 0:1 — Lokatelli (40'); 1:1 — Eldor Shomurodov (49')
"Roma": Mile Svilar, Janluka Manchini, Evan Ndika, Zeki Chelik (Viktor Nelsson, 72'), Anxelinyo, Manu Kone, Brayan Kristante (Lukas Gurna-Duat, 61'), Matias Sule, Stefan El-SHaaraviy (Leandro Paredes 61'), Mats Xummels (Eldor Shomurodov 46'), Artem Dovbik (Tommazo Baldansi, 85')
"Yuventus": Mikele Di Gregorio, Loyd Kelli, Renatu Veyga, Pyer Kalyulyu, Ueston Makkenni, Kefren Tyuram, Manuel Lokatelli (Nikolo Savona, 76'), Timoti Vea (Randal Kolo Muani 68'), Nikolas Gonsales (Teun Koopmeyners 69'), Kenan Yildiz, Dushan Vlaxovich (Andrea Kambyazo 68')