Италия А сериясининг 31-туридан ўрин олган учрашув якунланди, унда "Рома" ва Туриннинг "Ювентус" жамоалари ўзаро тўқнаш келишди. Ўйин Италиянинг Рим шаҳрида жойлашган "Олимпико" стадионида бўлиб ўтди. Беллашув 1:1 ҳисобида дуранг билан якунланди.

Учрашувда ҳисоб 40-дақиқада очилди — "Ювентус" яримҳимоячиси Мануэль Локателли гол муаллифи бўлди. 49-дақиқада эса Элдор Шомуродов ҳисобни тенглаштирди. Мезбонлар бурчак зарбасидан кейин Ндика бош билан зарба берди. "Юве" посбони тўпни қайтарди. Шомуродов эса яқин масофадан дарвозани ишғол қилди. Ўзбекистонлик футболчи захирадан майдонга тушган эди.

Мазкур дурангдан сўнг "Ювентус" Италия чемпионати жадвалида бешинчи ўринни эгаллаб турибди. Игор Тудор бошқарувидаги жамоа 31 учрашувдан сўнг 56 очко жамғарган. "Рома" ҳам шунча ўйиндан сўнг 53 очко тўплаган ва жадвалда еттинчи ўринда бормоқда. Бош мураббий Клаудио Раньери бошчилигидаги жамоа етакчи "Интер"дан (68 очко) орқада қолмоқда.

Италия — А Серия. 31-тур  
Рома (Рим) - Ювентус (Турин) - 1:1
Голлар: 0:1 — Локателли (40'); 1:1 — Элдор Шомуродов (49')
"Рома": Миле Свилар, Жанлука Манчини, Эван Ндика, Зеки Челик (Виктор Нельссон, 72'), Анхелиньо, Ману Коне, Брайан Кристанте (Лукас Гурна-Дуат, 61'), Матиас Суле, Стефан Эл-Шааравий (Леандро Паредес 61'), Матс Хуммельс (Элдор Шомуродов 46'), Артем Довбик (Томмазо Бальданци, 85')
"Ювентус": Микеле Ди Грегорио, Лойд Келли, Ренату Вейга, Пьер Калюлю, Уэстон Маккенни, Кефрен Тюрам, Мануэль Локателли (Николо Савона, 76'), Тимоти Веа (Рандаль Коло Муани 68'), Николас Гонсалес (Теун Коопмейнерс 69'), Кенан Йилдиз, Душан Влахович (Андреа Камбьязо 68')