Kataloniyaning "Barselona" klubi sobiq darvozaboni Xordi Masip Lionel Messining Kataloniya jamoasining o‘sha paytdagi bosh murabbiyi Luis Enrike bilan janjalini esladi.

Ispaniyalik mutaxassis "ko‘k-anorranglilar"ni 2014-2017 yillarda boshqargan. Ayni paytda Enrike "Pari Sen-Jermen" bosh murabbiyi hisoblanadi.

- Messi va Enrike 2015 yilda janjallashib qolgani rostmi?

- Ular o‘rtasida haqiqatan ham keskinlik bor edi, lekin mushtlashuvgacha yetib bormadi. O‘sha paytda jamoa qanday vaziyatda bo‘lganini hisobga olsak, bu normal holat. Ko‘p o‘tmay, "Barselona" treblni qo‘lga kiritdi, shuning uchun buning qo‘rqinchli joyi yo‘q edi," - deya Masipning so‘zlarini keltiradi Barca Universal.